前几日介绍左赏鲸同太鲁阁今日就介绍下花莲市区啦~花莲呢个海边小城常年都好大风昼夜温差比较大建议大家晚上出去带多件外套 市中心有个艺术特区不过唔系好大我地去嘅时候啱好有慈善表演睇吹住海风听着歌仿佛时间停顿左 因为去嘅时候系接近过年啦花莲县有举办太平洋花灯节主干道都挂满晒红灯笼夜幕降临之后着晒灯真系好有气氛 路边嘅小摊要比夜市入边更便宜但系品质不减甚至比夜市入边嘅更加好食而且唔使一堆人系度等盐酥鸡外酥内嫩仲识喷汁其实大家路过如果见到有想食嘅小食可以买唔一定要等去夜市台湾人对食物嘅认真出乎你嘅意料就算系小摊都做得好认真好好食 宜家花莲嘅夜市经过合并整顿只有一个东大门夜市（又叫福町夜市）因为系两个夜市合并所以东大门夜市宜家好似系台湾最大嘅夜市 见到有人舞火把超级霸气收放自如睇到我地目瞪口呆 夜市入边分左好多部分而且条路比较宽行起身都算几舒服唔会好逼仲有原住民乐队系度献唱 除左表演呢度都有好多游戏小摊不过呢度嘅游戏小摊比我感觉就差d可能因为呢度比较大分散左人流感觉好似冇咁热闹 呢个烤帆立贝我就觉得一般般虽然用料新鲜但系感觉冇咩特色仲要等好耐添 蒋家官财板应该系东大门夜市最多人排队嘅一个摊位非常有名嘅一间店可以讲系个人觉得花莲最好食嘅小食花莲必食嘅一样野虽然好多人排队但系其实出餐好快所以我建议大家都系去比d耐心排下队食一啖你会发觉一切都系值得噶哈哈哈 价钱唔贵因为真系好大一份！最好久几个人share一份啦两个人食一份都有d饱我点嘅系沙爹牛肉外面嘅厚土司非常香入边嘅牛肉好多而且腌制得非常嫩吐司吸收晒沙爹汁超满足超美味！ 虽然食完呢个官财板已经七成饱了但系点都仲系要试试其他野吃货的执着不容忽视哈哈哈 逛左好耐好耐个肚终于多左d位置 超级多料嘅车轮饼...不能忍哈哈哈（但我都系觉得大理洋人街果间比较好食） 每日必买嘅水果菠萝同莲雾都成日买超级清甜呢边嘅水果都中意切成一块块装盒卖不过我地买左咁多次切好嘅都未试过买到唔新鲜或者变质嘅水果都好新鲜好好食唔会好似我地呢边d超市d水果块摆到快烂了先切成沙拉卖左距 上面呢个蚵仔煎先50NT...超级大一碟超多蚵仔（珍珠蚝）而且木薯粉同鸡蛋嘅比例刚好加上酸酸甜甜嘅酱料一d都唔会觉得腻（虽然唔腻..但依然系比较饱肚嘅食物） 呢个花莲五霸包心粉圆系花莲一道比较出名嘅甜品本黎招牌应该系上图咁嘅包心芋圆同牛奶冰上面再撒上花生碎但系因为我地去嘅时候系冬天而且花莲冇垦丁咁热所以我地就点左一份热嘅（下图）其实感觉上图好食d只可以下次去嘅时候再试啦！ 讲完各种小食就讲下我系花莲食过嘅几餐正餐 扁食应该算系花莲比较出名嘅主食啦黎到花莲嘅第一餐因为太饿所以请过黎火车站接我地嘅民宿老板带我地去食饭其实扁食就系大大只嘅云吞同广州嘅味道一模一样不过距又唔贵同广州价钱差唔多都系50NT左右一碗（大概10蚊软妹币） 离福町夜市唔远有一间叫“食七街碳烤食堂”点左一份碳烤猪扒饭同几串烧烤呢度嘅烧烤系日式噶唔系好似我地平时食嘅烧烤靠干味粉调味而系用浓厚嘅烧烤汁调味咁样烧出黎嘅食物表面会焦香但系又唔会太干最后再撒上芝麻提香呢度价钱比较便宜（印象中人均大概20-30蚊软妹币）好多学生白领同工人都黎呢度食饭 最好食嘅系烤香菇啊！！因为距嘅烧烤汁唔系好甜香菇吸收晒d烧烤汁嘅味道然后菇菇本身自带鲜甜属性~一啖落去~超多汁超正~ 最后一样系便当系花莲火车站附近食嘅不过呢个便当我记得好贵印象中好似要20+蚊软妹币（其实台湾便当一般10+蚊软妹币）不过超级大又嫩滑多汁嘅鸡腿扒咬一啖真系成个人满足晒米饭超级Q连配菜都好好食 总嘅黎讲花莲县市区入边其实冇咩野玩主要系买买买同食食食花莲县好多手信店而且都可以试食价钱普遍比台北要便宜~ 花莲嘅介绍就到呢到啦~你有什么想去的地方？你想知道哪里的攻略？小编哪里还做得不够好？欢迎在公众平台留言或者私信我哦~私人微信：KuangRenLY么么哒(づ￣ 3￣)